Teningaspil: Fyrst eru það einföldustu spilin, teningaspil þar sem teningakast, með öðrum orðum heppni, ræður ríkjum. Þessi spil eru yfirleitt fljótspiluð en sum geta þó verið margslungin.

Spilastokkur og spjöld: Hér eru saman komin spil sem byggjast að mestu upp á hefðbundnum spilastokki eða spjöldum og hafa þróast út í sérhæfða útgáfu af tilteknu spili og er sett fram á myndrænni og meira aðlaðandi hátt.

Rýmisspil og hreyfifærnileikir: Í þessum flokki eru spil sem reyna fyrst og fremst á rýmisskynjun og hreyfifærni. Þau geta kallað fram spennu og kátínu þegar jafnvægi helst eða þegar allt hrynur.

Athyglis- og minnisspil: Þá eru það þau spil sem skerpa athyglina og virkja minnið. Gömlu góðu samstæðuspilin eru þar í fararbroddi ásamt mörgum öðrum spilum sem reyna á minnið á margvíslegan hátt.

Hraðaspil: Því næst koma hraðaspil en þar er oft hasar og læti. Þetta eru spilin sem best er að hafa afsíðis því erfitt eða að spila hraðaspil í hljóði.

Rökfræðispilin eru hins vegar yfirleitt róleg og krefjast meiri íhugunar.

Tungumála- og málörvunarspil: Þessi spil eru sannarlega rökfræðispil á sinn hátt en reyna á beitingu tungumálsins.

Spurningaspil koma eðlilega í kjölfarið, þessi klassísku almennu þekkingarspil. Til er fullt af áhugaverðum útgáfum af þeim.

Samskiptaspilin eru svo aðeins flóknari spil sem reyna á samvinnu og innsæi. Þau eru oft mjög lífleg og kalla á samvinnu eða markvissa blekkingu.

Borðspilin koma svo að lokum. Fyrst vil ég benda á þau einföldustu sem leggja grunninn að öðrum borðspilum:

Önnur þægileg borðspil koma svo í kjölfarið. Þau eiga það sameiginlegt að vera tiltölulega einföld í uppsetningu án þess að fara út í allan þann hafsjó af úthugsuðum of flóknum spilum sem hægt er að finna á markaðnum.